مش حننساك يابطل
ولا مصر يوم تنسى الشهيد
انت فى بلدك علم
وعلمها بيرفرف اكيد
فى نعيم الجنة رايح
فوق شجرها طير وسارح
واللى بيزفك عريس
الملايكة المأمورين
ميت حورية ف انتظارك
وانت بس تقول آمين
أنت فينك ياحبيبنا؟
أنت دمعة فى عيوننا
كنت شمعة منورالنا
أنت بسمة لكن حزينة
نار بتحرق فى حشانا
ناس خسيسة قلوبها سودة
ملوثة ارضى وسمانا
الحثالة // الندالة
وصمة العار اللى واقفة
فى طريقنا مأخرانا
استحالة يكونوا اصلا
من بلادنا
استحالة والف لا يكونوا
ابدا مصريين
اللى يقتل البراءة
والقلوب الطاهرين
واللى يحرم طفل يسأل
كل لحظة بابا فين؟
واللى طفى النور فى بيتك
كان منور بيك ياغالى
همّ مين ؟
استحالة يكون دا مسلم
قلبه فيه ايمان ودين
همتك يالا ياسيسى
تمسح العار اللى عشش
من سنين
بلمح النظرة ف عيونك
زى ناصر
كان خطاه
ماشى على الحق المبين
ليست هناك تعليقات:
إرسال تعليق